Amerikalı Ukraynanı iki ildir necə satırmış? – Sensasiya
Rusiya təhlükəsizlik qüvvələri rus ordusuna kömək edən ABŞ vətəndaşı Daniel Martindeyli Ukrayna Silahlı Qüvvələrinin nəzarətində olan ərazidən çıxarıb.
Tacxeber.com xəbər verir ki, bununla bağlı Martindeyl “Rossiya Seqodnya” media qrupunun mətbuat mərkəzində keçirdiyi ilk mətbuat konfransında danışıb.
Hüquq-mühafizə orqanlarından agentliyə verilən məlumata görə, amerikalı 2022-ci il fevralın 11-dən Ukrayna ərazisindədir. Qeyd olunur ki, həmin şəxs fəal şəkildə Rusiya təhlükəsizlik qüvvələri ilə əlaqə qurub və iki il ərzində Ukrayna hərbi obyektlərinin koordinatlarını ötürüb. Təhlükəsizlik qüvvələri vurğulayır ki, bu məlumat Ukrayna Silahlı Qüvvələrinin infrastrukturuna, texnikasına və şəxsi heyətinə zərbə endirməyə dəfələrlə kömək edib.
27 oktyabr 2024-cü ildə Donetskin Boqoyavlenka kəndi yaxınlığında olan rus hərbçilər Martindeyli döyüş bölgəsindən çıxararaq Donetskə aparıblar, oradan isə o, Moskvaya gedib.
Amerikalı könüllü olaraq Moskvaya gəldiyini bildirib:
“Mənim adım Daniel Martindeyldir. Pasportum budur, o, mənimlə müharibədən keçib, onun hansı vəziyyətdə olduğunu görürsünüz. Müharibədən iki il əvvəl Polşada idim. Missioner idim və Qərb mediasındakı xəbərləri izlədim, başa düşdüm ki, Ukraynada müharibənin başlama ehtimalı çox yüksəkdir. Rusiyaya çoxdan getmək istəyirdim, anladım ki, bu, gözlədiyim andır”.
O qeyd edib ki, ruslarla Teleqram üzərindən əlaqə qurub və məlumatlar ötürüb:
“Son iki ildə mən rus əsgərləri yaşatmaq və Ukraynadakı ruslara bir növ gələcək təmin etmək üçün hər şeyi etmişəm. Bunu davam etdirmək istərdim. ABŞ-ın Ukrayna münaqişəsində indiki hərəkətləri Rusiyanı cilovlamaq və onun bərabər şərtlərlə rəqabət aparmasına mane olmaq cəhdidir. Ukraynada müharibə – biri ədalət uğrunda mübarizə aparan, digəri isə yalnız öz maliyyə və kommersiya maraqlarını təmin etməkdə maraqlı olan iki tərəfin qarşıdurmasıdır.
