ABŞ-da siyasətdən “qaçmaq” istəyənlər üçün 4 illik dünya səyahətinə çıxan kruiz buraxılıb
Bu yaşayış gəmisi, cümə günü yeni “Skip Forward” paketlərini təqdim edərək sərnişinlərə “Villa Vie Odyssey” gəmisi ilə 4 il davam edəcək bir səyahətə çıxma imkanı təklif edir.
Tacxeber.com Valyuta.az-a istinadən xəbər veriri ki, paketlər tam xidmətli olub, tək nəfərlik otaq üçün qiymət 255,999 dollardan başlayır. İki nəfərlik otaq isə 319,998 dollar dəyərindədir və 140 ölkə üzərindən səfərlər vəd edir.
Eyni zamanda, “Midterm Selection” adlı iki illik paket də var: tək sərnişin üçün 150,399 dollar və ya iki nəfər üçün 187,998 dollar. Bu paket, 2026-cı il seçki nəticələrindən sonra evə qayıtmaq istəyənlər üçün nəzərdə tutulub. Gəmidə bir illik və üç illik bilet də mövcuddur.
Gəmi, spa və idman proqramları ilə təchiz edilib və bilet qiymətinə yeməklər daxildir — nahar və şam yeməyində pulsuz pivə və şərab da təqdim olunur.
“Business Insider” əvvəlcə bildirmişdi ki, milyonlarla amerikalı, sabiq Prezident Donald Trumpın 2024-cü il seçkilərində qalib gələcəyi halda, ölkəni tərk etməyi düşünür. Çərşənbə günü səhər saatlarında, onun qalibiyyəti elan edildikdən sonra, “Kanadaya köçmək” axtarışları kəskin artıb.
“Odyssey” gəmisi sərnişinlərə dünya üzərində başqa bir ölkədə vətəndaşlıq təklif etməsə də, onlara “trafik sıxlığından, siyasətdən və şəhər həyatının monotonluğundan qaçmaq” üçün elastiklik təmin edir” – deyə, “Villa Vie Residences” in nümayəndəsi “Business Insider”a bildirib.
