“OpenAI”ın baş direktorunun illik maaşı hamını şoka saldı – Cəmi ….
“OpenAI” son vaxtlar daxili maaş ödənişləri ilə gündəmdədir. İlon Mask “OpenAI”ı işçilərinə verilən “həddən artıq maaş” səbəbiylə rəsmi olaraq tənqid edib. İndi isə “OpenAI”ın baş direktoru Sem Altmanın illik maaşı açıqlanıb.
Dünyanın ən dəyərli startaplarından birinə rəhbərlik edən Sem Altmanın 2022-ci ildə “OpenAI”dan aldığı illik maaş cəmi 73 546 dollar olub. Əvvəllər şirkət daxilində ən yüksək səviyyədə çalışan bir şəxsin illik 800 min dollar civarında maaş aldığı açıqlanmışdı.
Maraq üçün qeyd edək ki, baş direktorun San-Fransiskoda 27 milyon dollarlıq malikanəsi var. ABŞ-ın Siyahıyaalma Bürosunun məlumatına görə, Altmanın malikanəsinin yerləşdiyi San Fransiskoda ev təsərrüfatlarının gəliri ildə 126,730 dollar təşkil edir. Sosial Təminat İdarəsinə görə, 2023-cü ildə milli ev təsərrüfatlarının gəliri ildə təxminən 66,621 dollar olacaq.
Altman daha əvvəl “OpenAI”dən təvazökar maaş aldığını açıqlamışdı. 2023-cü ilin may ayında verdiyi açıqlamada demişdi: “Mən tibbi sığorta üçün kifayət qədər maaş alıram”. O həmçinin “OpenAI”dəa heç bir səhm almadığını bildirib.
Bununla belə, Altmanın 2022-ci ildəki maaşı və sərvəti bir-biri ilə düz mütənasib görünmür. “Bloomberg”in 2024-cü ilin mart ayındakı təxmininə görə, Sem Altmanın sərvəti ən azı 2 milyard dollardır. Əslində, bu rəqəmə onun “OpenAI”da sahib ola biləcəyi hər hansı bir səhm daxil deyil. “Bloomberg”in hesablamalarına 1,2 milyard dollar dəyərində müxtəlif vençur kapitalı fondlarına investisiyalar, eləcə də digər investisiyalar daxildir.
Yalnız keçən ilki vergi bəyannaməsini “Business Insider”ə göndərən “OpenAI” sözçüsü heç bir əlavə şərh verməyib.
Vergi bəyannaməsinə baxsaq, “OpenAI”nin həmtəsisçisi İlya Sutskever və şirkət katibi/xəzinədarı Kris Klark müvafiq olaraq 347,354 dollar və 322,201 dollar maaş alırlar ki, bu da onları şirkətdə ən yüksək maaş alan işçilər edir.
Sutskever və Klark Altmanın 2023-cü ilin noyabrında “OpenAI”dəa qısa müddətə işdən çıxarılmasından bir neçə ay sonra şirkətdəki vəzifələrini tərk ediblər.
Qeyd etmək lazımdır ki, “Bloomberg”in açıqladığı bu məlumat şirkətin maliyyə perspektivi ilə bağlı dolğun və aktual nəticələr əldə etmək üçün kifayət etmir.
“Thrive Capital” (Nyu-Yorkda yerləşən Amerika vençur kapitalı şirkəti) tərəfindən aparılan maliyyə araşdırmaları fonunda, “OpenAI”ın daha ənənəvi mənfəət strukturuna keçəcəyi təqdirdə Sem Altmanın şirkətdə 7% pay ala biləcəyi ilə bağlı fikirlər irəli sürülüb. “Bloomberg” sentyabr ayında verilməsi gözlənilən bu payın Altmanın şəxsi sərvətini 10 milyard dollardan çox artıra biləcəyi xəbərini dərc edib.
