Rusiyadan Bəşər Əsədlə bağlı açıqlama

“Reuters” Əsədin ölümü ilə bağlı saxta xəbəri təkzib etməlidir.

Bunu Rusiya Xarici İşlər Nazirliyinin rəsmi nümayəndəsi Mariya Zaxarova bildirib.

“Maraqlıdır, Əsədin ölümünü xəbər verən “Reuters“ agentliyi özünü təkzib edəcəkmi? Amma bu, Qərbin bu qədər canfəşanlıqla mübarizə apardığı feyklərin yayılmasıdır”, – deyə Rusiya XİN sözçüsü “Telegram” kanalında yazıb.

Xatırladaq  ki, “Reuters” agentliyi Bəşər Əsədin təyyarə qəzasında həlak olmasına dair məlumat yayıb.

Lakin dekabrın 8-də aşxam saatlarında TASS Kremldəki mənbəyə istinadən Bəşər Əsədin ailəsi ilə birlikdə Moskvada olduğunu və Rusiyanın ona siyasi sığınacaq verdiyini açıqlayıb.

Tacxeber.com