Qazaxıstanın baş nazirinin müavini Kanat Bozumbayev dekabrın 25-də Aktau yaxınlığında qəzaya uğrayan AZAL təyyarənin “qara qutu”sunun internetdə yayılan stenoqramına münasibət bildirib.

Tacxeber.com xəbər verir ki, o, mətbuat konfransında şifrənin açılmasında qazaxıstanlı, rusiyalı, azərbaycanlı və braziliyalı ekspertlər iştirak etdiyini qeyd edib:

“Hər kəsin bərabər çıxış imkanı var idi. Dinlədim (online sızan stenoqrama – red.), mənə elə gəlir ki, bunlar daha çox yerüstü danışıqlar, yerlə danışıqlar idi. Orada ekipaj üzvlərinin danışıqlarını eşitmədim. “Qara qutu” kapitan, pilot və ekipaj üzvlərinin apardığı bütün danışıqları ehtiva edir, buna əsaslanaraq anladım ki, bu, bizim istintaq qrupundan bir sızma deyil”.

Bozumbayevin əmin etdiyi kimi, internetdə yayılan səsyazısı “qara qutular”ın məzmunundan çox fərqlidir:

“Qara qutu” stenoqramlarının sızması hesab etmiriksə, niyə “sızma”nın mənbəyini axtarmalıyıq? Kiminsə internetdə nəsə dərc etməsi o demək deyil ki, bu həqiqətdir. Dərc olunanda fərq var. Böyük fərq, rəsmi mənbələrin açıqlamasını gözləyin”.

Rəsminin sözlərinə görə, təyyarənin “qara qutular”ı hazırda istintaq qrupunun əlindədir:

“Təyyarənin qalıqları Aktauda anqardadır, o, müvafiq beynəlxalq ekspertlər tərəfindən də araşdırılıb, nəticəni onlar verəcəklər. Səsyazısı materialları aviasiya qəzasını araşdıran başqa qrupdadır: nə baş verib, nə vaxt olub, ekipaj necə davrandı, peşəkarcasına, qeyri-peşəkarcasına, yerdən verilən əmrlər… məncə, bu materialların açılması bir çox eyhamları aradan qaldıracaq”.

Tacxeber.com