İngiltərə nəhəngi iflas olur: daha 200 nəfər işdən çıxarılacaq
İngiltərə Premyer Liqa komandası olan “Mançester Yunayted” maliyyə çətinliyi səbəbindən daha 200 əməkdaşını ixtisar edəcək.
Britaniya nəhəngi ötən ilin payızında da 250 işçisini işdən çıxarmışdı.
Bildirilir ki, “Mançester Yunayted”in 25 faizini 1,25 milyard funt-sterlinqə alan neft-kimya şirkəti INEOS-un qurucusu Cim Retkliff, klubun son üç ildə 300 milyon funt sterlinqdən çox zərər vurmasından sonra 200 iş yerini ixtisar etməyi planlaşdırır. Xəbərdə “Mançester Yunayted”in ötən ilin payızında 250 əməkdaşını işdən çıxardığı da xatırladılıb. (Lent.az)
