Gömrük Hospitalı və “Yeni Klinika”da maaşlar niyə verilmir? – AÇIQLAMA
Mərkəzi Gömrük Hospitalı və “Yeni Klinika”nın əməkdaşlarının maaşlarını ala bilməməsi ilə bağlı iddialara aydınlıq gətirilib.
Tacxeber.com xəbər verir ki, Mərkəzi Gömrük Hospitalından “apa.az”a bildirilib ki, əməkdaşlara əməkhaqqı ödənişləri Azərbaycan Respublikasının qanunvericiliyinə uyğun şəkildə həyata keçirilir.
Mərkəzi Gömrük Hospitalının PR mütəxəssisi Dilarə Zamanova həkimlərin məzuniyyət haqları, maddi yardım və mükafatlarının tam həcmdə ödənildiyini vurğulayıb:
“Bütün həkimlər pullarını vaxtında alırlar”.
TƏBİB-in “Yeni Klinika” ilə bağlı açıqlamasında qeyd edilib ki, “Yeni Klinika” ilə bağlı yayılan iddialar həqiqəti əks etdirmir:
“Həkimlərin əməkhaqları tam həcmdə ödənilib”.
Qeyd edək ki, bir neçə gün öncə Mərkəzi Gömrük Hospitalı və “Yeni Klinika”da çalışan həkimlərin maaşlarının ödənilməməsi ilə bağlı məlumatlar yayılıb.
