Rusiyalı məşhur estrada müğənnisi Alla Puqaçovaya ailə məsələlərini yoluna qoyandan sonra ölkəni tərk etməsi barədə göstəriş verilib.

Tacxeber.az yerli elektron mediaya istinadla xənbər verir ki, bu günlərdə vətəninə dönən Alla Borisovna artıq bir neçə dəfə “qalmağal qəhrəmanı” olmağı bacarıb. Pop-diva əvvəlcə kiminsə əngini əzməyi planladığını bəyan etdi və bir gün sonra məşhur teleaparıcı Vladimir Solovyov baş-gözü qaralmış vəziyyətdə kameralara düşdü. Az sonra Allanın əri Qalkini xarici dövlətin agenti elan etdilər və bu məqamda müğənni cəsarətlə bildirdi ki, ərinin dediklərinin hamısına şərikdir və o da rus kişilərinin döyüş meydanına göndərilməsinin əleyhinədir.

Qeyri-rəsmi mənbələrin məlumatlarına görə, hər halda Alla Puqaçova Kremllə dil tapa bilib və onun daha bir müddət Rusiyada qalmasına icazə verilib.

Tacxeber.az