Yaşlanmanı gecikdirməyə kömək edən doqquz məhsul budur
Lif və antioksidantlarla zəngin qidalar qocalmanı yavaşlatır: çiyələk, yaşıl çay, kakao, portağal, alma, nar, albalı, brokoli və qabıqlı üzüm.
Bunu WellnessPulse-ə immunoloq Helen Messier deyib.
Mütəxəssislərin fikrincə, uzunömürlülüyün dörd əsas elementi; xəstəliklərin erkən diaqnostikası, orqanizmdə iltihabla mübarizə, zehni və fiziki dözümlülüyün inkişaf etdirilməsi, ürək-damar və metabolik sağlamlığa diqqət yetirilməsi. Gəncliyi qorumaq üçün ən vacib vərdişlər gündəlik fiziki fəaliyyət, keyfiyyətli yuxu, stressin idarə edilməsi, sosiallaşma və yaxşı qidalanmadır.
Doktor Messier bildirib ki, sağlam ömrünü uzatmaq istəyən insanlar mütləq qida rasionuna bitki mənşəli qidaları daxil etməlidirlər. Bu zaman doqquz məhsulun istehlakına xüsusi diqqət yetirilməlidir. Həkim Cənubi Koreya alimlərinin 2023-cü ildə apardığı araşdırmaya istinad edir ki, yaşıl çay, kakao, çiyələk, portağal, alma və qabığı olan üzüm, nar, albalı və brokoli yaşla bağlı dəyişiklikləri ləngidə bilir.
Bu qidalar şəkər və yağda azdır və sağlam pəhriz lifi və antioksidantlarla zəngindir. Bunlara hüceyrələri qeyri-sabit molekulların – sərbəst radikalların vurduğu zərərdən qoruyan bitki maddələri daxildir.
