28 ildir Türkiyədə yaşayan Xalq artisti Cahangir Novruzov Azərbaycana qayıtması ilə bağlı edilən çağırışlara cavab verib.

Cahangir Novruzov Pravda.az-a açıqlamasında deyib ki, bu barədə rəsmi təklif almayıb.

“Bu saat heç bir şey söyləyə bilmərəm. Mənə rəsmi təklif gəlməyib. Gəlsə, onda baxarıq. Xahiş edirəm, deyərsiniz ki, Cahangir müəllim hələ bu barədə fikrini söyləmir. Bilirsiniz ki, özüm haqqında danışılmasını xoşlamıram. Xahiş edirəm, məni söhbət hədəfinə çevirməyin. Belə şeyləri sevmirəm. Mən Rasimin də (red.- Xalq artistiRasim Balayev) xətrini istəyirəm, haqqımda danışan digər adamların da. Hamısına dünyalar qədər hörmət edirəm. Məni Azərbaycana gətirmək istəyən, bu düşüncəyə sahib olan insanlara minnətdaram. İndi bu barədə geniş danışmaq istəmirəm. Təklif gəlsə, ciddi şəkildə oturub söhbət edərik. Bu haqda ciddi söhbət etmək lazımdır, çünki Azərbaycan teatrının, sənətinin vəziyyəti bu saat ciddidir. Bu ciddiliyi anlamaq lazımdır. Nə üçün gəlməliyəm? Nə etməliyəm? Bax, bunlar var ortada, söhbətlər var…”

Tacxeber.com