“Baş təkcə danışmaq üçün deyil, həm də düşünmək alətidir” – Putin

Moderator.az xəbər verir ki, bu barədə o, müharibənin əvvəlində “emosional fikirlər səsləndirən” mədəniyyət xadimlərinin Rusiyaya dönüşü movzusuna toxunan özünün xüsusi nümayəndəsi Mixail Şvıdkoyun sualını cavablandırarkən deyib. Məlumatı “dp.ru” nəşri yayıb.

“Baş təkcə danışmaq deyil, həm də nəsə deməkdən öncə düşünmək alətidir”, – bunu Putin Peterburqda birləşmiş mədəniyyətlərin beynəlxalq Forumunda deyib.

Putin qeyd edib ki, hər bir insanın öz mövqeyini bildirmək hüququ var, lakin “insanların nə deməsinə deyil, nə etməsinə baxmaq gərəkdir”.

“Əgər bu fəaliyyət öz ölkənə və öz xalqına zərər vurmaq, – belə fəaliyyətlər isə mövcuddur, – o cümlədən qonorarları düşmənin hesabına köçürməklə bağlıdırsa, bu, bir tarixçədir; əgər bu, vəziyyətin dəyərləndirilməsi barədə fikirdirsə, bu, başqa məsələdir”, – prezident hesab edir.

Putin qeyd edib ki, burada vacib amil cəmiyyətin ovqatı və xalqın rəyidir. Bunu görməzdən gəlmək mümkün deyil, prezident vurğulayıb.

Rusiya lideri qeyd edib ki, 2014-cü ildə o, Rusiya ilə Ukrayna arasında münaqişə olacağını heç ağlına gətirməyib.

Mövzunu davam edərək, Putin Ömər Xəyyamın şeirini səsləndirib və öz erudisiyasını nümayiş etdirib:

Bir damla dənizdən ayrılıb ağlar,

Tanrı bağışlayan, mərhəmətlidir!

İşıq və zülmətə bölünüb dünya,

Damla hardan bilsin xoşbəxtlik nədir?..

Elə buradaca “Qafqaz əsiri” kinofilmindən badəni xatırladıb: